سؤال بيقول واحد تزوج في الخارج ويريد خطبة أختي وأحضر إلينا ورقة طلاق فهل يجوز له الزواج مرة أخرى أم لا؟

سؤال:

بيقول: أحد الشباب تزوج في الخارج، ثم أتى إلينا ليطلب يد أُختي، وأحضر إلينا ورقة طلاق من الخارج. علمًا بأنه أخد ورق من هنا للزواج، (كلام كده مش عارف أقراه)، فهل يجوز له الزواج هنا مرة أخرى أم لأ؟ ^[1]

الإجابة:

من رأيي صاحب هذا السؤال أو صاحبة هذا السؤال يتقدموا للمجلس الإكليريكي يشوف الموضوع، لأن الطلاق في الخارج ممكن لأي سبب يعني، يعني مش ضروري سبب للكتاب المقدس. ده لو واحدة زوجها ما لاعبش الكلبة بتاعتها، تطلب الطلاق منه إن جاب لها أزمة نفسية وتعبها. يعني بتوع الخارج بحبوحين قوي في حكاية الطلاق دي، فما دام اتطلق في الخارج، يبقى اتطلق طلاق مدني خارج الكنيسة، طلاق مدني. والطلاق المدني ده ممكن لأي سبب يعني، بتوع الخارج، ده بتوع الخارج إذا حد شخط في مراته، ممكن على طول بوليس النجدة بالتليفون يقبض عليه، ممكن الطلاق ده سهل.

فإحنا ما لناش دعوة بالطلاق اللي في الخارج، جايز يكون طلاق مش مضبوط، طلاق يعني مدني مش طلاق كنسي، فاوعوا أديكوا أنتوا عارفين إن هو اتطلق تجوزوه؟ على طول قدموا للمجلس الإكليريكي، والمجلس الإكليريكي هيفحص الأوراق ويشوف هل هذا الكلام يناسب كلام الله أم لا يناسبه، لأن دي حاجة مدنية. وخلّي بالكم من اللي بييجوا من الخارج دول، ما تعرفوش هو متجوز ولا متطلق، ولازم تشوفوا له صحيفة سوابق، صحيح، اللي بيجي من الخارج ده تكشفوا عليه.

^{[1] سؤال أجاب عنه قداسة البابا شنوده في عظة بعنوان “الحق والإدانة”، بتاريخ 5 نوفمبر 1986م}