سؤال إذا ندر إنسان إنّه يدخل كلية معينة ولكن الرب لم يشأ فهل يوفي الندر أم لأ؟

سؤال:

إذا ندر إنسان إنّه يدخل كلية معينة، ولكن الرب لم يشأ، فهل يوفي النذر أم لأ؟ ^[1]

الإجابة:

مش فاهم دي! يعني واحد ينذر إنّه يبقى وزير مثلًا، وما حصلش قسمة، يبقى يعمل إيه؟! أنت لا تستطيع أن تنذر إلا الشيء اللي في إيدك. لكن ما تقدرش تندر حاجة مش في إيدك.

النذورات كترت الأيام دي بطريقة صعبة! مفروض إن الإنسان لا ينذر شيئًا إلا بمشورة أب اعترافه، علشان على الأقل يعرف النذر ده نذر سليم ولا نذر خاطئ، ولا نذر الواحد يقدر عليه ولا ما يقدرشي، ولا مجرد حماس ولا حقيقي. لأن المهم الالتزام بالنذر، والإنسان ساعات في وقت ضيقته بينذر أي حاجة.

أنا عايزكم، وأنتم بتنذروا، تشعروا إن ده تعهُّد بين الإنسان والله، وإن المسألة مش هينة. مش لعبة إنّك أنت تنذر أي نذر كده، وأنت مش عارف تقدر عليه وإلا ما تقدرش.

^{[1] سؤال أجاب عنه قداسة البابا شنوده في عظة بعنوان “الضمير والإرادة” بتاريخ 8 سبتمبر 1978م}