سؤال واحدة بتقول أنا ربة بيت أثناء قيامي بالعمل في المنزل أقوم بترديد ألحان القداس هل هذا حرام؟

سؤال:

واحدة بتقول: أنا ربة بيت، أثناء قيامي بالعمل في المنزل أقوم بترديد بعض الألحان، وأحيانًا أقوم بترديد بعض من مَرَدَّات الكاهن، فهل هذا يليق في البيت، وخصوصًا في أثناء القيام بالعمل في المنزل، أم لا يليق إلا في الكنيسة؟ ^[1]

الإجابة:

وأنتِ في الكنيسة مش ممكن هتردِّدي الألحان دي أبدًا، فيبقى نلغيها دي. ما دام بتقولي ألحان ببساطة وبتتعَزِّي بيها، مش حرام. هو الحرام إنك تجيبي خبزة وتصلي عليها، لكن أنتِ ما بتعمليش كده، مجرد بتتعزِّي ببعض ألحان، مافهاش حاجة، هو الحاجة إن الواحد يُمَارِس عمل الكهنوت، فهل أنتِ وأنتِ بتعملي كده، بتقدسي قرابين؟

طبعًا لأ، ناخد الأمور ببساطة وبلاش نعقَّدها أمامنا. الحاجة اللي تعزِّيكي قوليها، ما دام لمجرد العزاء وليس فيها انحراف عقيدي.

^{[1] سؤال أجاب عنه قداسة البابا شنوده في عظة في كنيسة مار مرقس بمصر الجديدة بعنوان، “الروح القدس وعمله في الإنسان”، بتاريخ 9 أبريل 1981م}