سؤال أنا فتاة مخطوبة لشاب على علاقة بسيدة متزوجة ويتردد على منزلها؟

سؤال:

واحدة تاني أصعب، في الخطوبة أصعب من الباقين. آخر واحدة دي. بتقول: أنا فتاة مخطوبة لشاب على علاقة بسيدة متزوجة. ويتردد على منزلها بحُجة الصداقة وصداقته للعيلة. وفوجئت منذ حوالي شهر تقريبًا أنها كانت خطيبته من قبل زواجها. وفوجئت أيضًا أنه كاتب اسمها على دراعه وصدره بالكهرباء. ويشترط إن أنا بعد الزواج إن إحنا نكون أصدقاء ونتردد سويًا على بعض؟ ^[1]

الإجابة:

لا يا بنتي لأ. الواد ده ما ينفعش أبدًا.

إذا كان عقله لسه في الست دي ويتجوزك وأنتِ تبقي زوجة (part time) كده يعني يعني ليكي جزء من الوقت وجزء للتانية، الكلام ده ما ينفعش لأ. ما ينفعش أبدًا.

ده باين من أولها يعني! يعني بعد كده لو تعبتي يقول لك: ما أنا كنت صريح معاكي وآدي دراعي أهو.

هو عايز يأخذك بالدراع الظاهر!

^{[1] سؤال أجاب عنه قداسة البابا شنوده في عظة بعنوان “ما هو الحق؟” بتاريخ 12 أغسطس 1992م}