سؤال واحد بيقول ما هو فرق السن بين العريس والعروسة المسموح به في الأرثوذكسية؟

سؤال:

 واحد بيقول ما هو فرق السن بين العريس والعروسة المسموح به داخل الكنيسة الأرثوذكسية؟ وهل يوجد فرق بين كل إيبارشية وأخرى؟ ^[1]

الإجابة:

إحنا لما بننظر في زواح بنشوف الشخص له الحق أن يتزوج ولا لأ، لكن حكاية السن دي مسألة اعتبارية بينه وبين الناس ماتخشش في قانون الكنيسة، تخش في العلاقات الشخصية بينهم. يعني هو المفروض السن بين الرجل والمرأة يكون في حدود ست سبع سنين كدا معقول، لكن افرض نقص زي بعضه افرض زاد شوية زي بعضه، إحنا ما بنخشش في دي ككنيسة، دي حاجة خاصة بينهم وبين بعض، افرض واحدة هتتجوز واحد أكبر منها في السن بكتير، وعاجبها وهي عاجباه إحنا إيه اللي حشرنا في الوسط، إحنا جايز ننصح ننصح لكن ما نقولش نمنع، في فرق بين ننصح ونمنع، لينا حدودنا اللي ما نتعدهاش ليس من حقنا أن نمنع بسبب السن، لكن من حقنا أو من واجبنا أن ننصح وكل واحد هو حر.

^{[1] سؤال أجاب عنه قداسة البابا شنوده في عظة بعنوان “كيف تحب الله” بتاريخ 27 مايو 1992م}