سؤال واحدة زوجها يعاملها بقسوة ويمنعها من زيارة والدها الكفيف وخدمة ابنها لأنها الزوجة الثانية والكنيسة والخدمة؟

سؤال:

واحدة بتقول إن زوجها بيعاملها بقسوة حتى إنه يمنعها من زيارة والدها الكفيف، ومن خدمة ابنها لأنها الزوجة الثانية ليه، ويمنعها من الذهاب للكنيسة ومن الخدمة، وتقول نجحت في إحضاره معي هذه المرة؟ ^[1]

الإجابة:

بس مش عارف المرة دي ولا الأسئلة دي من الأسبوع اللي فات…

أرجو من زوجها إن هو يكسبها ما يخشش في عند معها، يعني مسألة إنسانية أنها تزور والدها الكفيف، ده أحيانًا بيسمحوا بإن سجين يخرج من سجنه لعامل إنساني يزور والد مريض أو أي مسألة إنسانية أخرى، فأرجو إنك أنت لا تقسو على زوجتك والقسوة دي هتفيدك بإيه يعني أنت عايز تخسرها ولا إيه حكايتك؟

مفيش داعي المسيح بيطلب من الزوج إنه يحب زوجته كما أحب المسيح الكنيسة وفداها بدمه (أف5: 25)، ولما تمنعها من الكنيسة مش مفيد ليك لأن الكنيسة بتعلمها الروحيات، وكويس ليك إن امرأتك تكون في حالة روحية، وكمان زيارة ابنها مسألة إنسانية بلاش تعند معها في حاجات زي دي، إذا كنت عايز تعند معها بجد أبقى أقول لك تعمل إيه؟

طبعًا أقول لك بلاش عند.

^{[1] سؤال أجاب عنه قداسة البابا شنوده في عظة بعنوان “علاقة المسيح مع تلاميذه – أحبهم حتى المنتهى” بتاريخ 13 مايو 1992م}