سؤال ما معني إن ملكوت السماوات درجات؟

سؤال:

واحد بيقول: أجبّت قداستكم سابقًا إن مرثا ليها نصيب في أن تدخل ملكوت السماوات، ولكن ليس بدرجة أختها مريم، فما معنى إن ملكوت السماوات درجات؟ ^[1]

الإجابة:

دي موجودة في (كورنثوس الأولى أصحاح 15) بيقول: “نَجْمًا يَمْتَازُ عَنْ نَجْمٍ فِي الْمَجْدِ”. وطبعًا ما دام كل واحد بيتحاسب حسب أعماله، مش معقول الناس الأبرار أعمالهم كلها زي بعض! لأن فيه إنسان مبتدئ في الفضيلة، وفيه إنسان واصل لدرجات عالية في الفضيلة، وفيه إنسان وصل للكمال في بعض الفضائل، مش معقول كل دول زي بعض.

مش معقول واحد بيدفع العشور، زي واحد بيدي لكل مَن يطلب منه، وزي واحد بيبيع كل ما له ويعطيه للفقراء، مش معقول أجر كل دول زي بعض!

^{[1] سؤال أجاب عنه قداسة البابا شنوده في عظة بعنوان “تصالحوا مع الله” بتاريخ 28 أكتوبر 1992م}