سؤال واحد بيقول في قصة الراهبة مارينا اتهموها بالخطية وهي لم تفعل فهل هي بذلك تكون كدبت؟

سؤال:

واحد بيقول: في قصة الراهبة مارينا اتهموها بالخطية وأعطوها ابن الولد يعني تربيه. وقالت: إنها فعلت هذا الإثم وهي لم تفعله، فهل هي بذلك تكون كدبت؟ ^[1]

الإجابة:

لأ هي ما قالتش إنها تفعل إثم، هي خدت الواد وربته هو يعني كانوا فاكرينها راجل يعني، لكن ما قالشي إن أنا عملت كده، يعني اللي حصل بالنسبة للقديسين دول إنهم صمتوا عن التهمة ولم يدافعوا عن أنفسهم، لكن ما قالوش إحنا أخطينا بالكدب لأ، لا مارينا ولا أبو مقار الكبير ماحصلشي يعني لم يقولوا إنهم أخطأوا ولم يعترفوا بخطية، لكن قبلوا التهمة والسُمعة الردية صامتين دون أن يدافعوا عن أنفسهم، وصمتهم خلى الناس يصدقوا إنهم ماشيين غلط لغاية لما ربنا أظهر براءتهم لكن هي ما قلتش: أيوه أنا عملت، لأ.

^{[1] سؤال أجاب عنه قداسة البابا شنوده في عظة بعنوان “الوسائط الروحية – شروط الخدمة الناجحة” بتاريخ 1 يوليو 1992م}