سؤال كلما أسمع عن شهيد أو قديس أحبه جدًا وأريد أن يكون شفيعًا لي هل بهذا أكون قد تركت الشهيد الأولاني وهل هذا حرام؟

سؤال:

كلما أسمع عن شهيد أو قديس أحبه جدًا وأريده أن يكون شفيعًا لي، هل بهذا أكون قد تركت الشهيد الأولاني اللي بحبه قبل كده وأستشفع بشهيد جديد؟ وهل هذا حرام؟ ^[1]

الإجابة:

أوعى تفتكر الشهداء بيغيروا من بعض، لأ دول بيحبوا بعض… يعني لما تكون بتتشفع بمار جرجس وتيجي تاني يوم تتشفع بمار مينا، ولا بالأمير تادرس، ولا بالأنبا انطونيوس مع إنه مش شهيد هيزعلوا من بعض؟

إحنا في الكنيسة بنستشفع بجميع القديسين مع بعض بجميع القديسين مع بعض.. لما تقرأ مثلًا المجمع في الإبصلمودية تلاقي قديسين ما لهمش حصر… ولما تشوف المجمع في صلاة القداس الإلهي تلاقي قديسين كتار، والقديسين ما بيغيروش من بعض، اتشفع بواحد باتنين بتلاتة بأربعة زي ما أنت عايز.

لكن مش معني بتحب قديس جديد يعني ما تحبش اللي قبل منه. حب الاثنين مع بعض استشفع بالاثنين مع بعض ما تبقاش متقلب في محبتك.

^{[1] سؤال أجاب عنه قداسة البابا شنوده في عظة بعنوان “صوم الرسل” بتاريخ 17 يونيو 1992م}