واحد بيقول يُقال في الكتاب إن في السماء لا حُزن إذا دخلت أم السما وابنها لم يدخل السما فهي لا تشعر بالحزن على ابنها؟

السؤال:

واحد بيقول: يُقال في الكتاب: إن في السماء لا حُزن ولا تَنَهُّد، فهل على سبيل المثال، إذا دخلت أُمّ السماء وابنها لم يدخل السماء فهي لا تشعر بالحزن على ابنها؟ ^[1]

يعني هتُقعُد تلطُم في الملكوت ولا إيه دي؟

الإجابة:

في الملكوت هتكون المحبة مُرَكَزَة في ربنا، وتركيز الإنسان في ربنا هيَنسى بيه العالم الآخر كله، يعني ما يكونش مُرَكَز غير في ربنا وأَحِبَّاء الله، وممكن إن تُنزَع من ذاكرته هذه الأمور الأخرى، وإلا كل الناس ليهم عيال وكل الناس ليهم آباء وأمهات، ومش هتُقعُد الأم في الفردوس ولَّا في الملكوت تقول: فين فلان، راحت فين فلانة؟ وتُقعُد تدَعبِس عليها، مش معقول يعني، هتفَكَر في ربنا، وإلا لو كان في السما هتُقعُد تفكر في الـ في الخُطاة من أولادها، مش هتخلَص، يعني العواطف الجسدانية، العواطف الجسدانية والطبيعية البشرية سوف لا تكون لنا في الملكوت حينما نقوم بأجسادٍ روحانية ونعيش في حياةٍ روحية مُرَكَزَة في الله ومحبته وفي الملكوت.

^{[1] سؤال أجاب عنه قداسة البابا شنوده في عظة بعنوان “لك القوة والمجد”، بتاريخ 15 أبريل 1992م}