سؤال أنا فتاة عندي 18 عام عُمرها 18 سنة مخطوبة لشخص عُمره 38 سنة ولا أُريد الارتباط به؟

سؤال:

بنت بتقول أنا فتاة عندي 18 عام، عُمرها 18 سنة، مخطوبة لشخص عُمره 38 سنة. وكانت هذه الخطوبة مُجرد تلبيس دِبل فقط يعني لا يوجد ورق رسمي. ولكن هذا الشخص لم أرتاح له نَفسيًا، وطلبت من والدي خلع الدِبل ولكنه رافض وبيقول ده أحسن من غيره ومانلاقيش زيه وإن فلوسه كتيرة ومش هيكلِفنا. فأنا محتارة هل أوافق على إتمام هذا الزواج أم أستمِر في الرفض؟ ^[1]

الإجابة:

 أهم حاجة في الزواج إنك أنتِ تكوني مستريحة له. يعني افرضي شخص أنتِ مابتحبهوش ووشِك في وَشه ومش مستريحة له، هينفعك بإيه فلوسه ولا عَفشه؟ هتقعدي جوه الفلوس والعفش تعبانة، لازم أبوكي يفهم الأمور على كده. أما حكاية تلبيس الدِبل دي لا خطوبة ولا زواج وحتى لو كانت خطوبة، يعني حتى لو كان فيه خطوبة رَسمية مُمكن فَكها بردو، لأن نقدر نفُك ألف خطوبة ومانقدرش نفُك زواج واحد.

فشوفي تقدري تستريحي له ولا لأ، يعني حاولي تشوفي تقدري تستريحي له ولا لأ. إن فضلتي مِش قادرة تستريحي له، يبقى لا هينفعك فلوسه ولا شقته ولا حاجة، كمان 20 سنة فرق كبير أوي. 20 سنة فرق؟ 18 من 38؟ يعني أنتِ كمان 20 سنة تبقي 38 وهو يكون قرَب على المعاش، 58 يعني. يعني البت دي مش هتكون قاعدة مع جوزها، دي قاعدة مع جثة، جوزها جوزها.

^{[1] سؤال أجاب عنه قداسة البابا شنوده في عظة بعنوان “معالم الطريق الروحي – القوة الحقيقية في المسيحية” بتاريخ 14 فبراير 1990م}