سؤال واحده بتقول فرحي بعد 20 يوم وأنا مش موافقة على العريس ومش مستريحة معاه والوالد موافق؟

سؤال:

واحده بتقول: فرحي بعد 20 يوم، وأنا مش موافقة على العريس ومش مستريحة معاه، والوالد موافق؟ ^[1]

الإجابة:

أومال هيبقى فرح إزاي يا بنتي؟

قولي: زواجي بقى، بلاش تقولي: فرحي!

لا تتزوجي إلا الشخص إللي تكوني مستريحة له. لأن افرض اتجوزتوا واختلفتوا وأنتِ روحتي بيت أبوكي أو هو رَوحك. نعمل إيه في الحكاية ديّ؟ وعندنا ارتباط ما نقدرش نفكه.

إذا كنتِ مش مستريحة كلميهم بصراحة في البيت. وقولي لهم: أجلوا حكاية الفرح. كما إن بعد 20 يوم إزاي يا بنتي؟ دا يكون فصيام الرسُل؟ دا في 12 يوليو وإحنا كام دلوقتي أه إحنا 24 أه… يعني قولي لهم: أنا نادرة صوم تاني وطولي الصوم شوية.

لأ، شوفي لا بُد من المُصارحة. لا بُد من المُصارحة، لأن إذا اتجوزتي وأنتِ مش مستريحة ما نضمنش مستقبلك إيه؟ كلميهم بصراحة ولو فيها علقة في البيت زي بعضه. المهم إنك أنتِ علقة أحسن ما تقعد الزيجة دي عالقة فيكي طول عمرها.

^{[1] سؤال أجاب عنه قداسة البابا شنوده في عظة بعنوان “الوسائط الروحية – الخدمة” بتاريخ 24 يونيو 1992م}