سؤال واحد بيقول أنا من محافظة سوهاج وقد حضرت إلى القاهرة بصفة خاصة لأرى قداستك؟

سؤال:

واحد بيقول أنا من محافظة سوهاج وقد حضرت إلى القاهرة بصفة خاصة لأرى (يعني يشوفني أنا يعني بس الكلام اللي قاله عاطفي شوية) وبيقول ليرى يعني نهايته، الذي سمعت له أكثر من ٢٥٠ شريط، لا دي تديك Entry Visa دي وبعدين فهل يسمح لي بإني أراه وجهًا لوجه – بصلي زي ما أنت عايز – وأتكلم معه؟ ^[1]

الإجابة:

شوف أقولك على حاجة، هقول لك على حاجة… طبعًا في اجتماع زي دا حاضر فيه عدة آلاف ما قدرش أقول فين أنت يا بتاع سوهاج؟ يعني مش معقول! لكن نصيحتي ليك تيجي في يوم ما فيهوش زحمة، وعلى المقر هناك وتقول: عايز قابل فلان هيدخلوك، ولكن وسط الزحمة كل واحد يقول لي: وأنا كمان من سوهاج، مش هنخلص.

وحاجة تاني عايز أقولها لكم كلكم يعني، اللي عايز يطلب طلب خاص بلاش قصاد الناس، لأن من عادة الناس يطلبون المساواة في كل شيء فإذا طلب طلب خاص قصاد الناس كل الناس عايزين يبقوا زيه، يعني مثلاً افرض إن احنا في زحمة، وواحد يقول: خد امضي لي على الإنجيل ده، لو مضيت كل واحد هيطلع إنجيل، يطلع أجبية، مش هنخلص يعني الطلب الخاص ده يكون في قعدة خاصة، واحد يقول: صلي لي على رأسي مرة حصل كده كنت في الدير، واحد قال لي: صلي لي على رأسي، لقيت 200 رأس تحت إيديه صحيح، فاللي عايز يطلب طلب خاص يطلبه في السرّ كده مش ضروري يقول للناس يعني، ويعني خصوصًا بتوع سوهاج ده أنا بحبهم (جوي)… يعني يجوا.

^{[1] سؤال أجاب عنه قداسة البابا شنوده في عظة بعنوان “عوائق وليست موانع” بتاريخ 9 ديسمبر 1992م}