سؤال هل الدرس داخل الفصل يكفي أم يمكن أن نعطي معلومات روحية وسير قديسين؟

سؤال:

هل الدرس داخل الفصل يكفي أم يمكن أن نعطي جرعة زائدة من المعلومات الروحية كسير القديسين أو معلومات طقسية، وإذا حاولنا تنفيذ ذلك في المرحلة الإعدادية فما هي الموضوعات المناسبة؟ ^[1]

الإجابة:

إحنا دلوقتي بنوضع لكوا منهج، يعني إن شاء الله بنشتغل فيه في اللجنة العليا بطريقة قوية جدًا يعني، وابتدينا في المرحلة الثانوية والسنوات الأولى من الجامعة، يعني مرحلة الشباب وبعدين هننزل لإعدادي، وننزل لابتدائي، وبتكون الدروس يعني هيكون إن شاء الله من أقوى المناهج اللي هتطلع يعني.

واللجنة العليا لمدارس الأحد فيها حوالي يمكن من 8 لـ 10 من الآباء الأساقفة والمطارنة اللي كانوا خدام قبل كده، وفيها حوالي من 4 لـ 6… لأ، يمكن 6 أو أكتر من الآباء الكهنة اللي كانوا ماسكين خدمة، وفيها بعض من قادة الخدمة من العلمانيين يعني إن شاء الله المنهج هيطلع حلو جدًا، فما تتعبش روحك إيه اللي تقوله هيجي لكوا منهج كويس إن شاء الله.

^{[1] سؤال أجاب عنه قداسة البابا شنوده في عظة بعنوان “الخلافات بيننا وبين البروتستانت – الإيمان والأعمال + التقليد” بتاريخ 4 أغسطس 1992م}