سؤال واحد بيقول أنا عندما أنا خادم وعندما أصوام وخاصة الصوم الكبير يُحاربني الشيطان بأبشع الخطايا؟

سؤال:

واحد بيقول: أنا خادم وغيور على الكنيسة وطقوسها وأصوامها ورغم ذلك فعند تناولي أو عندما أصوم أصوام الكنيسة وخاصةً الصوم الكبير يُحاربني الشيطان بأبشع الخطايا، وفكرت كثيرًا في الابتعاد عن الخدمة؟ ^[1]

الإجابة:

 ده لو ابتعدت عن الخدمة هيحاربك أكتر، عارف أنت تقول لنفسك إيه؟

تقول الشيطان ما بيحاربش غير الأقوياء، وهو شاعر إن إحنا بناخد قوة في التناول، وبناخد قوة في الصوم، وبناخد قوة في الخدمة، فيجي يحاربنا من أجل هذه القوة، لكن لو استسلمت ليه وما صومتش، وما اتناولتش، وما خدمتش، حياتك هتنزل الى أسفل وأسفل وأسفل.

وأوعى تفتكر إنه مش هيحاربك بعد ما تسيب الخدمة هيحاربك بردو، الشيطان دا المسيح قال عليه قتّال منذ البدء يعني Fighterيعني راجل بتاع خناقات غاوي غاوي خناقات، إذا حاربك الشيطان قاومه، الكتاب بيقول إيه: “قَاوِمُوهُ، رَاسِخِينَ فِي الإِيمَانِ” (1بط5: 9) “قَاوِمُوهُ، رَاسِخِينَ فِي الإِيمَانِ”، وبيقول: “قَاوِمُوا إِبْلِيسَ فَيَهْرُبَ مِنْكُمْ” (يع4: 7)، فأنت لا تستسلم وإذا حاربك الشيطان اطلب مساعدة من الله وربنا يكون معاك.

^{[1] سؤال أجاب عنه قداسة البابا شنوده في عظة بعنوان “الوسائط الروحية – شروط الخدمة الناجحة” بتاريخ 1 يوليو 1992م}