سؤال هل يحق لأي أسقف أو كاهن أو أي درجة كهنوتية في الظهور على شاشة التلفزيون؟

سؤال:

واحد بيقول: قرأت اليوم في جريدة الأخبار أن نيافة الأنبا بسنتي سيكون ضيف أحد البرامج التلفزيونية “برنامج حياتي” للحديث عن مشكلة الطلاق عند المسيحيين وكيفية حلها فما رأي قداستكم؟ وهل هذا الخبر صحيح؟ وإذا كان صحيح فهل يحق لأي أسقف أو كاهن أو أي درجة كهنوتية في الظهور على شاشة التلفزيون؟ ^[1]

الإجابة:

الخبر صحيح وهو اُستضيف – دُعيَ يعني – للكلام عن مسألة الزواج عمومًا. وقال لي قبليها وطبعًا اتكلم كلام كويس. ومش عيب أبدًا إن أي أسقف يُعرض له تسجيل في التلفزيون بل ده شيء مُفرح، لأنه طبعًا هيقول الرأي السليم بتاع الكنيسة ويُثبته، وأنت فاكر يعني اللي بيطلع في التلفزيون دي خطية ولا إيه؟ أنتوا جرى لكم إيه؟ طب ما إحنا ساعات القداس بتاعنا بيذيعوه في التلفزيون نبقى ارتكبنا خطية! ما تبقاش كده ناشف شوية.

هو هيُذاع يوم الجمعة، مش هيدُعى يوم الجمعة هو دُعي امبارح على ما أظن، واتسجل وخلص بس دايمًا هما يسجلوا الحاجات دي ويوضبوها ويمنتجوها ويحضروها للشغل وتذاع يوم الجمعة إن شاء الله.

^{[1] سؤال أجاب عنه قداسة البابا شنوده في عظة بعنوان “المحبة تحتمل كل شيء” بتاريخ 5 أغسطس 1992م}