سؤال ما رأي قداستكم في راهب يذهب للبيوت ولا يتكلم في الدين ويأخذ اللي فيه النصيب؟

سؤال:

 واحد بيقول: ما رأي قداستكم في راهب يذهب إلى البيوت لا يتكلم في الدين، ولكن ياكل ويتكلم في التليفون عددة مكالمات وياخد ما فيه النصيب ثم يصلي ويدهن بالزيت، والراهب دا بيقول إن ليه أخ نهايته، وبيقول اسمه كذا وينتمي لدير الفلاني وهو يخدم حاليًا في بلد أوروبا؟ ^[1]

الإجابة:

لأ. ما فيش كاهن أبدًا بيخدم في بلد أوروبي إلا بإذننا، والاسم اللي بتقوله ما لهوش أي مجال للخدمة دي مجرد إشاعات، إلا لو قال لكوا: اسم وهمي أو اسم حركي لكن مافيش الاسم اللي بتقوله ده بيخدم في أوروبا، إطلاقًا بتوع أوروبا عارفهم واحد واحد بالاسم، وبغير أوروبا برضو عارفينهم واحد واحد بالاسم فما فيش رُهبان بيخدموا في دي لأ.

 أنا قلت لكوا لما يجي لكوا أي راهب في البيت ما تقبلهوش قولوا له: إن الراهب له ديره ولا يقيم في بيت، جه يفتقد قولوا له: يفتقدنا الكهنة بتوعنا بتوع كنيستنا. لكن أنتوا اللي بتفتحوا بيتكوا وبتتعبوا نفسكوا وبتتعبوا الرهبان معاكوا…

^{[1] سؤال أجاب عنه قداسة البابا شنوده في عظة بعنوان “السلام القلبي والخوف” بتاريخ 14 أكتوبر 1992م}