عيد البشارة بيجي باستمرار 29 برمهات؟

عيد البشارة

عيد البشارة بييجي باستمرار 29 برمهات، وتقريبًا برمهات باستمرار بيبقى صيام، يَندُر إن يوجد برمهات يوم فيه خارج الصوم الكبير يعني. فاللي بنعمله بالنسبة لعيد البشارة إن بلاش الصوم الانقطاعي، يعني ياكل أكل صيامي بس بلاش انقطاع، وبلاش مطانيات، بس الحاجتين دول. لكن ياكل سمك في الصيام الكبير! ده مش معقول، وأنتوا يعني اشتقتوا للسمك ولا إيه؟

السمك ده تاكلوه يوم شم النسيم إن شاء الله.

والشخص فيكوا اللي قِدِر يضبط نفسه حوالي شهر من الزمان، يعني هييجي على عيد البشارة والضبط اللي عنده يختل؟ برضو ما تنسوش إن السمك لحمة، هيكون إيه غير لحمة؟ ^[1]

^{[1] سؤال أجاب عنه قداسة البابا شنوده في عظة بعنوان “الخلاف بيننا وبين البروتستانت في الصوم”، لإعداد الخدام بكنيسة مار مرقس بمصر الجديدة، بتاريخ 3 أبريل 1981م}