عمري 34 سنة وأعول أمي وأختي وأريد الرهبنة رغم إن عندي إمكانيات الزواج؟

السؤال:

واحد بيقول: عُمري أربعة وتلاتين سنة، وأعول أُمي وأختي، وأُريد الرهبنة من زَمَن أربَع أو خَمَس سنوات، ولكني لا أستطيع، لإعالتي لهم، فماذا أفعل، بالرغم من وجود ما يُؤَهِلني للزواج من إمكانيات مادية؟ ^[1]

الإجابة:

إذا كان عندك ما يُؤَهِلَك للزواج من إمكانيات مادية ومصروفات للزوجة والأولاد، فيا ريت تحوشهم للأُم والأُخت، يصرِفوا منهم، لما تروح الرهبنة، ما دام معاك فلوس، وبتصرف فلوسك كلها على طول، أُمال هتِجَوِز إزاي؟

مش عشان تِتجَوِز، هتشوف شقة وتجهز جهاز، وتدفع شَبكَة؟ فلوس الشَبكَة، وفلوس الجهاز وفلوس الفَرَح، واللِبس، والحفلة، والملَبِس والحاجات دي، كُله، حُطها لوالدَك، لوالدتك وأُختك، يجيب لهم، إيراد شَهري، وتبقي عرفت تجمع بين الاِتنين، هي عايزة شوية تفكير كدة، ولا أنت هتِجَوِز بلاش؟ إذا كنت هتِجَوِز بلاش؟ بلاش تتِجَوِز.

^{[1] سؤال أجاب عنه قداسة البابا شنوده في عظة بعنوان “الإرادة” بتاريخ 3 أكتوبر 1990م}