سؤال واحد بيقول قرأت لكاتب لبناني يقول إن المسيح في الفترة التي لا يذكرها الإنجيل قضاة مع يوحنا المعمدان؟

سؤال:

واحد بيقول قرأت كتاب عن المسيح لكاتب لبناني يقول فيه إن المسيح في الفترة التي لا يذكرها الإنجيل عن حياة السيد المسيح من 12 ل 30 قضاها هو ويوحنا المعمدان مع جماعة تسمى السنيين في كهف؟ ^[1]

الإجابة:

هذا الأخ جاب معلوماته دي منين؟ جابه منين كان موجود مع المسيح ساعتها شافه وشاف يوحنا المعمدان جاب المعلومات دي منين؟ كل واحد يخرف تخريفه ناخدها كرأي؟ حتى كونه إنه بيقول هو ويوحنا المعمدان دي مش مظبوطة لأن قيل عن يوحنا المعمدان في إنجيل لوقا “إنه كَانَ فِي الْبَرَارِي إِلَى يَوْمِ ظُهُورِهِ لإِسْرَائِيلَ” (لو1: 80)، يعني عاش في البرية وفضل موجود في البرية لغاية لما ظهر للناس وأدى رسالته في سن الـ30 أما هذه التخاريف فلا يوجد ما يسندها في الكتاب المقدس ولا في كتب التاريخ ولا في كتب التاريخ، واللي بيكتبوها ما فيش شك إنهم ضد المسيح والمسيحية عايزين يصوروا مرة يقولوا المسيح راح الهند يعني خد من فلسفة الهند ومرة يقولوا راحوا الصين أخد من فلسفة بقى بوذا ولا كونفوشيوس ومرة يقول لك راحوا السينيين كلام لا ودة ولا جاب وليس له قيمة علمية على الإطلاق، فأنت مش أول ما تقول كاتب لبناني إيه يعني كاتب لبناني؟ موحى إليه يعني؟ خليك شديد كدا.

^{[1] سؤال أجاب عنه قداسة البابا شنوده في عظة بعنوان “تأملات في الثلاث تقديسات قدوس الله قدوس القوي” بتاريخ 23 ديسمبر 1992م}