سؤال هل من حق الكاهن إنه يقوم بعمل إعداد كهنة دون علم الخدام بهذا؟

سؤال:

واحد بيقول: هل من حق الكاهن أن يقوم بعمل إعداد كهنة (إعداد كهنة؟) دون علم الخدام بهذا؟ وما هو دور الإكليريكية؟ وما هو دور حق الشعب في اختيار راعيه؟ ^[1]

الإجابة:

طب، ما يعمل إعداد زي ما هو عايز، لكن لما نيجي إحنا نختار، بنختار زي ما إحنا عايزين. أنت زعلان ليه؟ ما يعمل إعداد أساقفة، ما يعمل إعداد بطاركة، هو حر. لكن لما بنيجي إحنا نختار كاهن، بنختار بناءً على القواعد السليمة اللي أنتوا عيشتوا فيها. أنت خايف يعني لما يعد كهنة هيطلعوا كهنة كده بقدرة قادر؟ القادر ده هنا الكاهن يعني… لا يا ابني، خليك مطمئن.

أنا شايف إنكم بتضطربوا بسرعة كده. عايز أعصابكم تبقى شديدة، عايز أعصابكم تبقى إيه؟ شديدة. واحد بيعمل إعداد، يعمل. وإعداد كهنة يعني هو عايز كام كاهن؟ يعني 10-12 في الكنيسة؟ ولا الفصل بتاع إعداد الكهنة فيه كام واحد؟ خليك شديد.

وأنا لما باجي في رسامة كاهن، يعني بجيب الشعب كله، وكل واحد بيقول رأيه. وما بنقولش: هاتوا لنا من فصول إعداد الكهنة. ما تقولش: ما موقف الإكليريكية؟ وما موقف الخدام؟ كده تضطرب كده بسرعة، وتتعب لأقل الأسباب أو بلا أسباب. عايز أعصابكم تبقى شديدة.

^{[1] سؤال أجاب عنه قداسة البابا شنوده في عظة بالكلية الإكليريكية بتاريخ 31 مارس 1992م}