سؤال في حالة احتدام الخلاف بين الزوجين لا قدر الله؟

السؤال:

في حالة احتدام الخلاف بين الزوجين، لا قدر الله، يعني؟ ^[1]

الإجابة:

لأ، شوفوا إيه، كلمة «لا قدر الله» أنا عايز بس أفحصها معاكوا يعني. هو ربنا بيُقدِّر الخلاف؟ مش ممكن. الله يريد إن الجميع يعيشون سعداء وفي حالة طيبة.

إذا احتدم الخلاف، يبقى معناها غلطة عايزين نعالجها بغلطة. إذا احتدم الخلاف، مفروض كل واحد يرجع إلى نفسه ويحاول يصلح العلاقة، وإحنا كرجال دين بندعو إلى الصلح وليس إلى التقاضي.

صدقوني، أول ما جيت، وكان زمان يعني كتير من المسيحيين بيطلّقوا لأسباب كثيرة، وأنا قلت نطبّق مبادئ الإنجيل في قانون الطلاق. وبعد كده ناس ما لقوش فايدة من المحاكم، حتى بعد ما حكمت لهم المحاكم بالتطليق، بقوا يجوا للكنيسة ونصالحهم مع بعض ونرجع الأسرة كما كانت.

لكن مش معناها إن احتدم الخلاف يبقى نحطّم الأسرة! لأ، ناخد فترة هدوء ونحاول نصلح.

أنا ما أوافقش على إن كل ما نختلف نطلّق، إذا اختلفنا نصطلح مش نطلّق.

^{[1] سؤال أجاب عنه قداسة البابا شنوده في ندوة الصالون الثقافي بنادي الصيد عن “الأسرة والمجتمع” بتاريخ 16 مايو 1996م}