سؤال هل الموت معناه الحياة في الملكوت؟

سؤال:

هل الموت معناه الحياة في الملكوت؟ ^[1]

الإجابة:

طبعًا ليس كل موت… موت الأشرار ليس حياة في الملكوت، لكن موت الأبرار هو بداية حياة. يبقى فيه فرق في الموت موت الأبرار وموت الأشرار، كمان موت الأبرار ليس حياة في الملكوت لأن الملكوت ملكوت السماوات يكون بعد القيامة، ولكن بالنسبة للأبرار تكون الحياة في الفردوس، والغلطة دي وقع فيها اللص اليمين وربنا صححها له في هدوء قال له: “اذْكُرْنِي يَا رَبُّ مَتَى جِئْتَ فِي مَلَكُوتِكَ” (لو23: 42)، “فَقَالَ لَهُ الْيَوْمَ تَكُونُ مَعِي فِي الْفِرْدَوْسِ” (لو23: 43). يعني صحح له مش وقت الملكوت بس طبعًا المسيح مش يقول له دي غلطة ودي صح على الصليب يعني مش وقته، فقال له: “اذْكُرْنِي يَا رَبُّ مَتَى جِئْتَ فِي مَلَكُوتِكَ”، فَقَالَ لَهُ الْيَوْمَ تَكُونُ مَعِي فِي الْفِرْدَوْسِ مش تكون معي في الملكوت.

فالموتُ ليس هو نهاية حياة إنما هو بداية حياة أخرى، بالنسبة للأبرار هو بداية حياة سعيدة، بالنسبة للأشرار بداية حياة تعبانة تعيسة.