سؤال بيقول أنا كنت في الثانوية ونجحت وحصُلت على مجموع صغير ودخلت بيه كلية غير مشهورةونفسيتي سيئة فهل أعيد السنة؟

سؤال:

واحد بيقول: أنا يا سيدنا كنت في الثانوية العامة هذا العام ونجحت والحمد لله، ولكني حصُلت على مجموع صغير ودخلت بيه كلية غير مشهورة ليست ضمن كليات القمة (كويس تعبير كليات القمة دي). وحالتي النفسية سيئة. فهل من رأي قداستكم إني أعيد السنة؟ أم أرضى بنصيبي؟ ^[1]

الإجابة:

ده مش نصيب ده مصيبة.

لأ شوف يا بني: إذا كنت هتفضل قاعد طول عمرك حزين عشان إنك ما روحتش كلية ترضي قلبك من جوه، وترضي مشاعرك، وتفضل قاعد مستصغر الكلية اللي أنت فيها فما فيش مانع أبدًا تعيد السنة لو كان ممكن يعني رسميًا الإعادة ما فيش مانع. إيه يعني سنة؟ في سبيل أنك تعيش مستريح طول حياتك؟ بس على شرط تذاكر من أول يوم عشان تجيب مجموع لئلا يعني ما تحصّلْش رغباتك. فخليك متقيد على الكلية دية، أهي أحسن من ما فيش وإن قدرت تنجح وتجيب مجموع تبقي تنتقل إلى كلية أفضل.

^{[1] سؤال أجاب عنه قداسة البابا شنوده في عظة بعنوان “البر الذي في الداخل” بتاريخ 2 ديسمبر 1992م}