سؤال واحدة بتقول أنا امرأة متزوجة وزوجي يحصل على 200 ج شهريًا وبندفع للكنيسة 7 ج شهريًا فهل يعتبر عشور؟

سؤال

واحده بتقول: أنا امرأة متزوجة وزوجي يحصل على 200 جنيه شهريًا. ولدينا طفل وبندفع للكنيسة 7 جنيه شهريًا؟ بإيصال فهل هذا يعتبر تقديم العشور؟ ^[1]

• العشور 20 جنيه.

لأ استنوا، بتقول: زوجي يرفض أن ندفع الـ 20 جنيه ويعطيني المرتب كله، فهل لو دفعت المبلغ دون علمه تنفيذًا للوصية ادفعوا العشور حرام؟

الإجابة:

لأ مش حرام. لكن لما يديكي الفلوس عشان الأكل والشرب حاولي إنك تدبري بحيث إن الأكل والشرب يكون ممتاز جدًا ويمدحك عليه، يمدحك عليه من غير ما ينضحك عليه يعني! وتمر الحكاية، واسمه فلوس الأكل أكلنا احنا وكلوا الفقراء معانا ب 13 جنيه الباقيين، لكن تسرقوا من ربنا ده لأ.

وإن عرف وأداكِ علقة معلش من أجل ربنا كإنك واحدة من الشهداء يعني. بس أوعي تدى الفلوس للفقراء وتقولي لهم صلوا لي أحسن زوجي يعرف وبعدين هما يقولوا ياه دي الست ده من غير جوزها، وتعملي نفسك، خليها في السر كده. بس أحسن الرجل يكون حاضر وسامعنا تبقى حكاية، ربنا يستر أحسن يجي يأخذهم مني، مستعد أديهم له فِداكي يعني.

^{[1] سؤال أجاب عنه قداسة البابا شنوده في عظة بعنوان “تأملات في الثلاث تقديسات قدوس الله ج2” بتاريخ 30 ديسمبر 1992م}