سؤال واحد بيقول إن أنا تركت خطية وتوبت ومشيت كويس وبحارب الأفكار فهل يَتَطَاول الشيطان إلى هذه الدرجة؟

سؤال:

واحد بيقول: إن أنا تركت خطية، وتوبت، ومشيت كويس، وبحارب الأفكار، لكن أحيانًا بتجيني أفكار يتكِسِف يقولها. وبيقول: هل يَتَطَاول الشيطان إلى هذه الدرجة؟ ^[1]

الإجابة:

ممكن، الشيطان ممكن يأتي للإنسان حتى بأفكار تَجديف. وأنا متهيأ لي، اللي أنت بتشكو مِنُه حاجات تُشبه هذا.

الفِكر اللي من الشيطان، ما دُمت لا تَقبَلُه؛ لا يُحسَب عليك. يعني فيه فَرق بين الفِكر اللي من الشيطان والفِكر اللي من الإنسان، الفِكر اللي يجي لك، بتبقى، من نفسك، بتبقى أنت راغب فيه وتستمر فيه.

لكن الفِكر اللي يجي لك من الشيطان، بتبقى أنت رافضه، ومش قابلُه، ويمكن بتصلي إن ربنا ينَجِّيك مِنُه. لكن الشيطان بيلِّح بالفِكر ويتعِب.

ما تضايقشي، هذا لا يُحسَب عليك؛ ما دُمت رافض الفِكر ومش قابلُه.

^{[1] سؤال أجاب عنه قداسة البابا شنوده في عظة بعنوان “علاقة المسيح مع تلاميذه – أحبهم حتى المنتهى” بتاريخ 13 مايو 1992م}