سؤال واحد بيقول سمعت من بعض الناس إن السيدة العذراء ذهبت لبعض الناس في شبرا وقالت وهيحدث زلزال عظيم يوم الجمعة؟

سؤال:

واحد بيقول: سمعت من بعض الناس إن السيدة العذراء ظهرت لبعض الناس في شبرا وقالت لهم كذا وكذا، وهتحدث زلزالة عظيمة يوم الجمعة وبعد ذلك الأرض تهدأ؟ ^[1]

الإجابة:

طب ما كنش يوم جمعة، الناس اللي بيقولوا سمعنا وما سمعناش ديه، أرجوكوا بلاش الأسلوب ده، يعني ممكن واحد يقول لك إيه؟ يقول لك: العدرا ظهرت لي، وقالت لي إن يوم 28 أكتوبر هتحدث ضيقة عظيمة، إن حدثت ضيقة يقول لك: مش قلت لك أهي كده! إن ما حدثتش يقول لك: لأ دا بعد كده إحنا صلينا وربنا ظهر لي في رؤيا تانية وقال: لغيناها الحكاية دي. فالناس اللي بيستخدموا الرؤى مرة أه ومرة لأ، ويقول لك: رؤيا على حاجة هتحصل، وإن ما حصلتش يقول لك: لأ دا القديسين اتوسطوا، وأنبا فلان اتوسط، والشهيد الفلاني اتوسط، اللي يعملوا كدا قل لهم: العبوا لعبة تاني، إحنا ناس نحب نمشي دوغري، ربنا ما يقولشي، يعني بلاش الأسلوب ده.

^{[1] سؤال أجاب عنه قداسة البابا شنوده في عظة بعنوان “تصالحوا مع الله” بتاريخ 28 أكتوبر 1992م}