سؤال في زيارتي في المداس لمتابعة مادة الدين المسيحي يهاجمني مدرس المادة ويقول لماذا لا يعين الأنبا شنوده إكليريكيين مؤهلين؟

سؤال:

 في زياراتي للمدارس لمتابعة مادة الدين المسيحي – يظهر اللي باعت ده موجه -، في زياراتي للمدارس لمتابعة مادة الدين المسيحي يهاجمني مدرس التربية الدينية المسيحية بالمدارس وخاصة المدارس السنوية للبنين، لماذا لا يعين الأنبا شنوده مدرسين إكليريكيين بمعنى مؤهلين ليقوموا بالتدريس بالمدارس بدلًا منا لأننا غير مؤهلين، فيكون ردي كالآتي لأن الإكليريكيين يعينون في مجالات أخرى؟ ^[1]

الإجابة:

هو الأخ ده فاكر إن أنا وزير التربية والتعليم ولا إيه؟

قولي له: إن المدرسين مش بتعينهم البطرخانة دي بتعينهم الوزارة، وبتاخد بعض من المدرسين وتديهم حصص من الجدول بتاعهم في مادة الدين، يعني جايز يكون مدرس جغرافيا، تاريخ، طبيعة، كيمياء، وبيأخد حصتين أو أربعة تربية دينية، لكن ما بيبعتوليش ويقولوا لي: عَين لنا مدرسين ده لو طلبوا يبقى كويس يبقى خير وبركة، وساعات الوزارة تقول ما نعينش غير تربويين، يعني ناس متخرجين من معهد التربية العالي، أو من مدارس المعلمين فلو كان في إيدينا يا حبيبي ما كناش يعني ما كناش نقصر، حتى الإكليريكيين إن كانوا بيعينوا في مجالات أخرى نزود عدد الإكليريكيين ونقبل طلبة أكتر، بس مش في إيدينا معلش كل واحد يشتغل في المجال اللي يقدر عليه.

^{[1] سؤال أجاب عنه قداسة البابا شنوده في عظة بعنوان “التواضع” بتاريخ 5 فبراير 1981م}