سؤال هل الغرض من الحياة هل هو تكوين شركة مع الله أو تكوين أسرة؟

سؤال:

واحد بيقول هل الغرض من الحياة هل هو تكوين شركة مع الله أم تكوين أسرة؟ ^[1]

الإجابة:

طبعًا تكوين شركة مع الله، فمثلاً الأطفال أو الشبان أهم أحياء يقول أنا لسه ما ما كونتش الهدف من الحياة لأني لسه ماتجوزتش!؟ طب الرهبان هدفهم من الحياة الوجود مع الله ما هو دي مفيش تكون أسرة، الأرامل اللي اكتفوا بكده، ناس كبار في السن واترملوا اللي عمره خمسين، واللي عمره ستين، واللي عمره سبعين يقول: مفيش حياة لأني بس تكوين أسرة! واللي كَوّن أسرة وخلص يقول: خلصت حياتي على كده؟!

الغرض من الحياة على الأرض باختصار العبارة دي الغرض من الحياة على الأرض حاجتين أول حاجة التمتع بالشركة مع الله، ونمرة تانية تابع ليها إعداد الإنسان للأبدية، يعني أنت بتحيا على الأرض عشان تُعد نفسك للأبدية، حياتك على الأرض مجرد اختبار إن نجحت فيها تحيا في الحياة الأبدية، يبقى التمتع بالله من جهة، ومن جهة تاني إعداد النفس للحياة الأبدية.

أما تكوين أسرة أو عدم تكوين أسرة دي مسألة عارضة يعني، عارضة حتى لما تكون أسرة مفروض هدف الأسرة هو أن الأسرة تعيش مع الله وتعد نفسها للأبدية نفس الوضع برضو.

^{[1] سؤال أجاب عنه قداسة البابا شنوده في عظة بعنوان “لك القوة والمجد” بتاريخ 15 أبريل 1992م}