سؤال ماذا أفعل أنا منطوية وسلبية وخجولة جدًا جدًا؟

سؤال:

واحدة بتقول ماذا أفعل أنا منطوية وسلبية وخجولة جدًا جدًا، ماذا أفعل والناس لا تحب… حتى أهلي، حتى الطبيخ لا أعرف أعمله؟ ^[1]

الإجابة:

يعني هي خجولة لدرجة قافلة على نفسيها ما قعدتش حتى مع والدتها تتعلم منها الطبيخ، طب أنتِ بقى لو اتجوزتي تنطوي برضو على ذاتك، ولا تنطوي على زوجك ولا إيه الحكاية؟ ما هو مش ممكن يا بنتي…

لازم تتمرني تخرجي شوية من الانطواء، يعني في الأول تخرجي تتكلمي مع العيلة، وتضحكي معاهم وتاخدي وتدي، إن غلطتي وتعبتي استعدي لحاجة تكون أفضل، يعني اتعلمي من أخطائك، وبعدين بعد ما تتركي الانطواء مع العيلة تخُشي مع فروع العيلة التانية قراباتك يعني ولاد عمك، ولاد خالتك، وال… وبالتالي طبعًا في المدرسة بتعملي إيه، ولا في الدراسة بتعملي إيه؟ بتنطوي برضو؟ لو مدرس سألك سؤال… لازم تخرجي عن هذا الانطواء وما تخفيش من الناس.

^{[1] سؤال أجاب عنه قداسة البابا شنوده في عظة بعنوان “الجلوس مع النفس ومحاسبتها بمناسبة الصوم– الاعتراف” بتاريخ 22 مارس 1992م}