سؤال كيف يتغلب الإنسان على الأفكار الشريرة التي تطارده؟

سؤال:

كيف يتغلب الإنسان على الأفكار الشريرة التي تطارده؟ ^[1]

الإجابة:

أهي نفس الحكاية. واحد بيذاكر ما بتجيلوش أفكار شريرة، هتجي له إزاي؟ عقله في المذكرة. ما يذاكرشي وعقله فاضي، الشيطان يقول له: ما دام أنت فاضي، أجي أتسلى معاك. لكن اقعدوا ذاكروا، اشغلوا وقتكوا، ما تتركوش فرصة للفكر الشرير ييجي.

يا ريت أيضًا قبل ما الشيطان يجي لك وأنت تقاومه، أنت اللي تبتدي بإنك تشغل مخك بحاجة تاني، علشان لما الشيطان يجي لك ما يلاقكش فاضي. إذا انشغلتوا بالأفكار، حاولوا تغيروا مجرى تفكيركم، اقرأوا حاجة، ما لقيتوش، كلموا حد، انشغلوا بعمل يدوي. المهم ما تتركوش الفكر يستفرد بيكم.

^{[1] سؤال أجاب عنه قداسة البابا شنوده في عظة بعنوان “الصلاة في الصوم” بكنيسة السيدة العذراء بجاردن سيتي. بتاريخ 21 مارس 1981م}