سؤال بيقول إني خادم مبتدئ وأشعر إني أحتاج إلى مزيدٍ من الإعداد فهل أترك الخدمة؟

سؤال:

واحد بيقول: إني خادم مبتدئ، وأشعر إني أحتاج إلى مزيدٍ من الإعداد. فهل أترك الخدمة حتى أشعر بالكفاءة؟ ^[1]

الإجابة:

ما هو جايز أنت لو شعرت بالكفاءة؛ يبقى نوع من البر الذاتي. أنت تبتدي تخدم وتنمو مع الطلاب، ويبقى كل يوم من الأيام بتخدم فيه هم ينمون وأنت أيضًا تنمو، وباستمرار تشعر بعدم الكفاءة باستمرار، لأنك تشعر إن المثالية التي تطلبها في كمال الكفاءة صعبة ومش متوفرة.

فاخدم وزوِّد معلوماتك باستمرار، اخدم وتَتَلمَذ، اخدم وإيه؟ وتتلمذ، وتذكَّر إن الرسل، الرسل القديسين اللي هما ال12 رسول بتوع المسيح اللي كانوا بيملأوا الدنيا خدمة، كانوا بيسموهم في الأول تلاميذ برضو، يقول لك: تلاميذ المسيح، كانوا بيتتلمذوا، وبيخدموا، وبينموا.

^{[1] سؤال أجاب عنه قداسة البابا شنوده في عظة بعنوان “الخلاف بيننا وبين البروتستانت في الصوم”، لإعداد الخدام بكنيسة مار مرقس بمصر الجديدة، بتاريخ 3 أبريل 1981م}