سؤال بنت في الثانوية العامة وطالبة صلاة من أجلها؟

سؤال:

واحد بيقول لي رجاء ومحبة أن تصلي لأجلي لأني عندي ثانوية عامة قسم علمي وأنا خايفة، وامتحاني يوم 27 شهر 6؟ ^[1]

الإجابة:

3 شهر ممكن الواحد يذاكر كل حاجة 27 -6، وإحنا شهر 3 بإمكانك تذاكري كل حاجة، بس خلي عقلك رايق ومش متضايق، وتذاكري بنفس وبتركيز وبفهم، المذاكرة اللي من غير فهم مجرد صمّ كده بتتنسي، لكن كل ما كانت المذاكرة بفهم تثبت، وكل ما كانت المذاكرة وراها مراجعة تثبت أكتر، لأن ممكن الواحد يذاكر وبعدين ينسى، لكن لما يراجع بيثبت الحاجات المعلومات اللي عنده واللي نسيه بيرجع يفتكره، فذاكري بروقان بال، وذاكري بفهم وبتركيز، وراجعي اللي بتذاكريه، والثلاثة أشهر كفاية خالص خالص، ما تخافيش، الخوف ليه؟

الواحد بيخاف من الامتحان لما يكون مش مذاكر، لكن ما دام عندك فرصة تذاكري ما فيش داعي للخوف.

^{[1] سؤال أجاب عنه قداسة البابا شنوده في عظة بعنوان “الجلوس مع النفس ومحاسبتها بمناسبة الصوم– الاعتراف” بتاريخ 22 مارس 1992م}