رجاء من سيدنا بخصوص تخفيف كمية الكتب اللي بيمضيها.

نرجو إن الناس اللي بيبعتوا الكُتب علشان يمضوها، يعني يخففوا شوية. ^[1]

 قلت ممكن إنهم يبعتوها لنا ونمضيها في غير وقت الاجتماع، علشان بتاخد وقت طويل أوي. والنهارده بصيت لقيت كُتب كتيرة، كل كتاب فيه صورتين، فيه ثلاثة، فيه أربعة، فيه خمسة. واحد حط كتاب وفيه أزيد من 12 صورة، وظرف تاني مليان حوالي أربعين خمسين، ما عرفش عددهم. مش معقول يعني!

يعني “لِكُلِّ شَيْءٍ.. تَحْتَ السَّمَاوَاتِ وَقْتٌ” (جا 3: 1)، للمحاضرة وقت، ولإمضاء الكتب وقت، وإحنا ما عندناش مانع تجيبوا لنا ما تشاءون من الكتب والصور، نمضيه ونديه لكم في وقت غير وقت المحاضرة.

بس بتوع المحاضرة كفاية واحد جايب كتاب مقدس، كتاب أجبية، كتاب طقسي، كتاب روحي يتمضي، لكن يجيبه ويحشيه حاجات بتاخد وقت طويل بصراحة، وده اللي بيعطلنا شوية.

^{[1] سؤال أجاب عنه قداسة البابا شنوده في عظة بعنوان “الصوم والجسد”، بتاريخ 26 نوفمبر 1986م}