سؤال بيقول كيف سيظهر السيد الرب يسوع المسيح في مَجيئه الثاني في كل مكان من العالم في آٍن واحد؟

السؤال:

سؤال، بيقول: كيف سيظهر السيد الرب يسوع المسيح في مَجيئه الثاني في كل مكان -وحاطِط تحتيها خط – من العالم في آنٍ واحد؟ ^[1]

الإجابة:

زي مثلًا ما تلاقي الشمس موجودة وكل الناس شايفينها، أو القمر موجود وكل الناس شايفينُه، وربنا، أنت يعني هتقول نُص الكرة الأرضية هتشوفه والنُص ما تشوفوش، ده المجال الجوي بتاع الكرة الأرضية يقدر يسبَح فيه كده، ما تعولش الهم.

بيقول: “ستبصره ستبصره كل عين” “وَسَتَنْظُرُهُ كُلُّ عَيْنٍ” (رؤ1: 7)، ستبصره إيه، كل عين، هو الأقمار الصناعية ما بِتلِّفِش وبيشوفوها الكل؟ وفي مسافات بسيطة والكل يشوفُه، المسيح ستبصره كل عين، سيأتي على سحاب السماء وستبصره كل عين، زي ما جِه في (سِفر الرؤيا إصحاح ١ آية ٧ و٨)، هيأتي على سحاب السماء وستبصره إيه، كل عين.

أنت لأنك قاعد على الأرض فاكر إن ناس بيشوفوا وناس ما بيشوفوش، لكن اللي الكرة الأرضية دي بالنسبة له مجرد جُرم بسيط من الأجرام السمائية، كوكب بسيط، وشايف الكل والكل شايفينه.

ما تخافش هتشوفه.

^{[1] سؤال أجاب عنه قداسة البابا شنوده في عظة بعنوان “لك القوة والمجد” بتاريخ 15 أبريل 1992م}