سؤال لماذا قلت قداستكم إن الذين بهم روح نجسة لا يتقدموا للتناول؟

سؤال:

واحد بيقول قداستكم قلت في الأسبوع الماضي إن الذين بهم أرواح نجسة لا يتناولون من الأسرار المقدسة، فلماذا لا يتناولون؟ ^[1]

الإجابة:

الكتاب بيقول: “أَيَّةُ شَرِكَةٍ لِلنُّورِ مَعَ الظُّلْمَةِ؟ ولِلْمَسِيحِ مَعَ بَلِيعَالَ؟” (2كو6: 14)، فكيف يتناولون جسد الرب ودمه وفيهم شياطين؟! أما إن كان البعض بيقولوا يتناولوا لأجل الشفاء، الشفاء له سر اسمه سر مسحة المرضى مالهوش علاقة بالتناول.

كمان التناول بنقول: لازم الواحد يتناول باستحقاق، وباستعداد روحي، فإزاي ده هيتناول باستعداد روحي وهو عليه شيطان؟ روحي إيه بقى الاستعداد ده!

كمان اللي يتناول حرصًا على المناولة يسلك في حياة جديدة مقدسة، واللي عليه الشيطان ده إزاي هيسلك في حياة جديدة مقدسة؟

ثم أيضًا ما أدرانا إن هو يحتفظ بقدسية السرّ وما يعملش أعمال تتنافى مع قدسية السر ده عليه شيطان، ده ممكن يخبط الكاس يوقعه على الأرض متشيطن، إيه اللي عرفك؟ خلينا بُعاد عن دول.

^{[1] سؤال أجاب عنه قداسة البابا شنوده في عظة بعنوان “لك القوة والمجد” بتاريخ 15 أبريل 1992م}