سؤال من هم الثلاثه الذين زاروا ابراهيم؟

سؤال:  

من هم الثلاثة الذين زاروا إبراهيم؟ ^[1]

الإجابة:  

اللي زارو إبراهيم اتنين ملايكة وربنا، ربنا معاه اتنين ملايكة.

والكتاب بيقول بعد الزيارة: إن الملاكين ذهبوا إلى سدوم، أما إبراهيم فكان ما يزال واقفًا أمام الرب، يعني التلاتة ربنا واتنين ملايكة، الاتنيين ملايكة كملوا مشوارهم على سدوم وظهروا في قصة لوط. أما إبراهيم فظل واقفًا أمام الرب، ولذلك التلاتة إللي جُم لإبراهيم واحد فيهم كان مميز عن الباقيين، لأن ربنا طبعًا كان شكله أكثر مهابة مفيش شك، ليس له شبيه. فإبراهيم يقول له: “يَا سَيِّدُ، إِنْ كُنْتُ قَدْ وَجَدْتُ نِعْمَةً فِي عَيْنَيْكَ فَلاَ تَتَجَاوَزْ عَبْدَكَ. لِيُؤْخَذْ قَلِيلُ مَاءٍ وَاغْسِلُوا أَرْجُلَكُمْ…” (تك18: 2، 3).  

مرة يتكلم بالفرد ومرة يتكلم بالجماعة. بالفرد بيقول لربنا وتغسلوا أرجلكم يعني أنت والرجالة اللي معاك. كان ربنا واتنين ملايكة.

الناس اللي بيقولوا الثالوث الأقدس دول غلطانين، لأن الآب لم يره أحد قط. زي ما بيقول يوحنا الرسول في إنجيله (يوحنا1: 18) بيقول: “اَللهُ لَمْ يَرَهُ أَحَدٌ قَطُّ. اَلابْنُ الْوَحِيدُ الَّذِي هُوَ فِي حِضْنِ الآبِ هُوَ خَبَّرَ”، فالآب مفيش حد رآه. كمان الثالوث الأقدس مش منفصلين عن بعض، ثلاثة كل واحد لوحده في حتة، واتنين يروحوا سدوم، وواحد يكلم إبراهيم مفيش هذا الانفصال الآب في الابن في الروح القدس. الابن بيقول “أنا والآب واحد” يعني مفيش هذا الانفصال. 

^{[1] سؤال أجاب عنه قداسة البابا شنوده في عظة بعنوان “تأملات في الميلاد” بتاريخ 2 يناير 1976م}