سؤال أنا شاب عمري 27 سنة وأحب فتاة ونريد الارتباط ولكن الأهل رافضين وتركنا المنزل؟

سؤال:

واحد يقول أنا شاب في عمر 27 سنة وفي فتاة عمرها 18 سنة ونريد الزواج من بعض ولكن الأهالي رافضين الزواج وتركت المنزل وأنا وهي ثلاثة أيام. الرجاء من حضرتك حل حل لازم بس اللغة كدا لأننا مستحيل الرجوع إلى المنزل؟ ^[1]

الإجابة:

 يا ابني تروحوا فين يعني أنت واخذ البنت على باب الله كده، يعني حتى باب ربنا ما يتفتحش للحاجات دي. لأ لازم كل حاجة تكون بعقل يعني عايز تجوز البنت تجوزها بعقل ما تخطفهاش من عيلتها خطف كده زي ما أنت عامل، لازم تكون بالرضا.

دي عايز بقي مقابلة علشان التفاهم في الموضوع دا. وتركت أهلك وتركت المنزل تركت المنزل إلى منزل آخر ولا تركت البيت من غير حته تروحها يعني تعيشوا فين ليكوا شقة ليكوا بيت ليكوا عفش ليكوا قدرة على الحياة المشتركة تعرف تصرف على نفسك وعليها، الأهل رافضين عشان إيه؟ ما قلتش السبب رافضين عشان إيه بردوا عشان نحكم لازم نعرف السبب.

يا ريت وأنت خارج تقابل نيافة الأنبا بولا هو إللي مسئول عن الأحول الشخصية ويقابلك ويشوف حكايتك كويس، تقول لي: يشوف حكايتي يعني يجوزني الليلة دي. لأ طبعا ده احنا في الصيام الكبير الصيام الكبير مافهوش زواج يعني يشوف لك حل.

^{[1] سؤال أجاب عنه قداسة البابا شنوده في عظة بعنوان “روحياتنا في الصوم الكبير” بتاريخ 21 فبراير 1990م}