اسئلة لاهوت عقيدي

هل يجوز عماد الطفل بعد 20 يوم لو كان مريض؟

سؤال:

 واحد بيسأل بيقول هل ممكن إن يُعمَّد الابن المولود بعد ميلاده 20 يوم إذا كان مريضًا؟ ^[1]

الإجابة:

 مُمكن الطفل يُعمَّد ولو بعد ميلاده بيوم واحد. حكاية 40 يوم و80 يوم دي خاصة بتطهير المرأة النفساء يعني المرأة إللي ولدت ابن وفي فترة النِفاس. فبنستنى لغاية لما تخلص فترة النِفاس بتاعتها وتيجي تشيل ابنها وتقدُمه للمعمودية. وكمان يكون الولد يعني يحتمل يغطَس في الميه ويطلَع، مايتعبش يعني. لكن إذا كان الولد في خطر الموت ولو ابن يوم واحد، نعمِده، ملهوش دعوة بأُمه. مُمكن أي حد ييجي يقدمه للعَماد.

^{[1] سؤال أجاب عنه قداسة البابا شنوده في عظة بعنوان “معالم الطريق الروحي – القوة الحقيقية في المسيحية” بتاريخ 14 فبراير 1990م}