سؤال أنا عند الكتابة أكتب بيدي اليمنى وعند الأكل أكل بيدي الشمال؟

السؤال:

واحد بيقول لي سؤال أنا ما اعرفش أجاوب عليه لكن إن عرفتوا أنتوا قولوا لي، بيقول: أنا عند الكتابة أكتب بيدي اليمنى وعند الأكل أكل بيدي الشمال، وعندما كنت صغير حاولوا معي كتير بشتى الطرق ولكن لم أعرف إن أنا أكل بيدي اليمنى – ما امكنش يعني- وكبرت وتزوجت وما زلت أكل بيدي اليسرى؟ ^[1]

الإجابة:

شوف يا ابني أكلك بإيدك اليسرى لا يمنع عنك ملكوت السماوات.. يعني دي حكاية بسيطة، وأهل البيت يعني بيتضايقوا من دي! طب وإيه يعني ما فيه ناس كتير برضه بياكلوا بإيدهم اليسرى؛ بيمسك الشوكة بإيده الشمال والسكينة بإيده اليمين وبياكل بالشوكة بإيده الشمال دي فيها إيه؟ لا ما تضايقش خدها طبيعي وما تفكرش فيها وربنا يعني يبارك يديك كلتيهما: يبارك اليمين ويبارك الشمال، وتأكد إن الأكل اللي بتاكله بإيدك الشمال برضه بيتهضم ما بيجرالوش حاجة.

^{[1] سؤال أجاب عنه قداسة البابا شنوده في عظة بعنوان ” التجربة على الجبل ج1 – تجربة الخبز ” بتاريخ 03 مارس 1993م}