سؤال واحد بيقول واحدة مخطوبة وتريد فسخ خطوبتها لأنها علمت إن خطيبها كان عامل لها عمل؟

سؤال:

واحد بيقول واحدة مخطوبة وتريد فسخ خطوبتها لأنها علمت إن خطيبها كان عامل لها عمل؟ ^[1]

الإجابة:

أنا أولًا ما اؤمنش بحكاية العمل دي.

ثانيًا إذا البنت فكت خطوبتها بتفقد الشبكة، والهدايا الغير المستهلكة.

غير المستهلكة يعني لو كان أهداها ساعة، أهداها خاتم يبقي لازم ترجعه، لكن لو كان أهداها علبة شوكولاتة دي مستهلكة ما يطالبهاش إنها ترجع.

يا بنتي سيبك من حكاية العمل دي، شوفيه هو بتاع ربنا ولا لأ، بيعترف ويتناول ولا لأ إلى آخره.

^{[1] سؤال أجاب عنه قداسة البابا شنوده في عظة بعنوان “صوم الرسل” بتاريخ 17 يونيو 1992م}