سؤال واحد بيقول هل يوجد دليل في تحديد المدة بين خلق آدم وسقوطه في الخطية؟

سؤال:

واحد بيقول: هل يوجد دليل في تحديد المدة بين خلق آدم وسقوطه في الخطية؟ ^[1]

الإجابة:

لأ، ولو أي حد قال لك المُدة قد إيه؟ قول له ما عرفش، وأنا أقول معاك ما عرفش. هو آدم اتخلق وبعدين في وقتٍ ما أخطأ هو وحواء. لكن إيه الفترة اللي مرِّت عليه بلا خطية… كل ما قدر أقول عليه نقطتين في الموضوع ده:

أول فترة مرّت عليه بلا خطية هي الفترة التي سبقت خلق حواء. يعني هو اتخلق في الأول وحواء ما كانتش موجودة، كان قاعد مظبوط. ما كانش فيه خطية؛ معلشي. – إحنا هنخش بقي في رجالة وستات وحماس دول ودول – شوفوا؛ طبعًا ما كانش لسه سقط لأن ما كانتش فيه حواء تقطف وتدي له. يعني الفترة دي مظبوطة.

وتاني فترة هي الفترة السابقة للأكل من الشجرة.

يبقي الفترة السابقة لخلق حواء. والفترة السابقة للأكل من الشجرة. أد إيه؟ ما نعرفش.

لكن طبعًا دي تورينا إن آدم كان أكبر في السن من حواء. لأنه اتخلق قبل منها وقعد شوية لغاية لما هي جات. أقدم منها في العمر وأقدم منها في البرّ والتقوى.

^{[1] سؤال أجاب عنه قداسة البابا شنوده في عظة بعنوان “الجسد ونظرة المسيحية إليه” بتاريخ 8 يوليو 1992م}