سؤال واحدة بتقول شعب الكنيسة التابع لها خطيبي يطلبون رشمه كاهن وأنا أرفُض ليس خوفًا ولكن لأن زوجة الكاهن لها مواصفات وشروط؟

سؤال:

واحدة بتقول: أنا من مُدُن محافظة كذا (مش عايز يعني أجيب ال…) وشعب الكنيسة التابع لها خطيبي يطلبون رشم خطيبي كاهن. وأنا أرفُض ليس خوفًا ولكن لأن زوجة الكاهن لها مواصفات وشروط خاصة ليست بي؟ ^[1]

الإجابة:

يعني تقفي ضد مستقبل الراجل عشان ما عندكيش مواصفات؟! طب ما يدوَّر على واحدة تانية عندها مواصفات وتبقى راحت عليكي.

إذا كانت زوجة الكاهن لازم ليها مواصفات مُعيَّنة حاولي أن تكون لكِ هذه المواصفات. لكن تقفي في سكته وفي مُستقبل حياته الروحيَّة وخدمته وأنتِ لسه في فترة الخطوبة؟ أُمال لما تتجوزي تعملي إيه؟

يا بنتي لا تُفكري في نفسك فقط. لا تُفكري في نفسك فقط. فكري في الراجل اللي أنتِ مخطوبة ليه، فكري في تكريسه، في خدمته، في رسالته الروحية في راحته الشخصية. ولا عايزاه يضحي بالشعب كله اللي هيخدمه عشان خاطرك أنتِ لوحدك؟! لماذا تطلبين منه هذا الثمن الكبير؟

ما تفكريش في نفسك. ما تفكريش في نفسك. وما تقوليش دي تواضع إني بقول ما عنديش مواصفات. تواضع إزاي لما أنتِ بتقولي: الشعب طلب وأنا رفضت! يعني في كفتين: الشعب محطوط في كفة، والخطيبة محطوطة في كفة. وأنتِ تِرجحَي على الشعب كله؛ إيه العظمة دي! مش معقول أبدًا البنت تسوى أكتر من شعب، ربنا يستر.

^{[1] سؤال أجاب عنه قداسة البابا شنوده في عظة بعنوان “الجسد ونظرة المسيحية إليه” بتاريخ 8 يوليو 1992م}