سؤال وأحد بيقول أنا شماس أخدم بهيكل الرب تقدمت لتناول الأسرار المقدسة ؟

السؤال:

سؤال، واحد بيقول: أنا شماس، أخدم بهيكل الرب، تَقَدَّمت لتناول الأسرار المقدسة وبعد أن تناولت الدم لم أشرب ماءً وتَقَدَّمت لأشرب من الصينية بعد غَسلِها، فقال لي الأب الكاهن: إن قداسة البابا قد مَنَع ذلك، وفعلًا لم يجعلني أشرب، فهل منَعتُم ذلك، ولماذا؟ ^[1]

الإجابة:

أنا طبعًا لا بَعَت أوامر في مَنع هذا ولا حصل حاجة من النوع ده، كتير من الناس ساعات بينسبوا لي كلام ما بيكونش حصل مني، مش كل واحد يقول لكوا: فلان أَمَر بكذا تصَدَّقوه، ناس كتير قوي.

جايز يكون في مرة من المرات إحنا كنا مستعجلين وما عندناش وقت، وكل إنسان عايز يشرب من الصينية، قُلنا: بلاش، ربما واحد من الكهنة شاف، قال ده أمر وخَدها نظام ثابت.

هو طبعًا إللي بيتناول يكفي إنه ياخد مَياه من أي حاجة، من الأبريق الموجود، من أي حاجة، يعني مش ضروري يشرب من الصينية، وفي بعض الأوقات يكون الوقت لا يَتَسِع إطلاقًا إن كل واحد يشرب من الصينية وخصوصًا إذا كانوا المُتناولين في الأعياد بالمئات، ده إحنا مرة ناولنا ألف واحد، فمش معقول، لكن في المناسبات العادية لو شِرِب مش هيجرى حاجة.

لكن أنا لم أُصدِر أوامر بهذا الخصوص.

^{[1] سؤال أجاب عنه قداسة البابا شنوده الثالث، في بعنوان “عظة الحواس، السمع وأخطاؤه والأذن بين الروحانية والانحراف”، بتاريخ ٨ مارس ١٩٧٤م}