سؤال لو إن الزوجة ندرت ندر بدون علم الزوج ولم تقدر على الوفاء به هل الزوج مجبر أن يفي؟

سؤال:

لو إن زوجة نذرت نذر بدون علم الزوج، ولم تقدر على الوفاء به، هل الزوج لو علم بعد ذلك يفي به مُجبرًا؟

لأ.

أم الزوجة التي نذرت، أم يُلغى النذر؟ ^[1]

الإجابة:

على حسب تعليم الكتاب المقدس، إن لو سمع الرجل بالنذر أثناء ما بتنذره وسكت، يبقى مُلزَم به، ولو ما سمعوش، يبقى النذر غير مُلزِم. مش واحد ينذر والتاني يدفع، على رأي المثل: اللي يتفندر يتفندر من جيبه. يعني لو سمع ورفض، يبقى برضو الندر مش ماشي، إلا في حالةٍ أعتقد ما لهاش علاقة بوصية العهد القديم. بوصية العهد القديم قال الكلام ده على اعتبار الرجل هو اللي بيصرف على المرأة، فما دام هو اللي هيدفع الفلوس، يبقى لازم هو اللي يوافق. لكن حاليًا، المرأة بيكون ليها إيراد خاص، وتستطيع من هذا الإيراد الخاص إنها تنذر حتى لو ما عرفش زوجها، وتوفي بالندر. دي ما لهاش علاقة بالكلام اللي جه في العهد القديم.

^{[1] سؤال أجاب عنه قداسة البابا شنوده في عظة بالكلية الإكليريكية بتاريخ 11 فبراير 1992م}