سؤال بيقول كثير من الآباء الكهنة والرهبان يصيحون في وجهنا بعدم رشم الصليب أثناء وبعد المناولة؟

سؤال: 

واحد يقول كثير من الآباء الكهنة والرهبان يصيحون في وجوهنا بعدم رشم علامة الصليب على صدورنا أثناء وبعد التناول من جسد الرب ودمه قائلين إنه حرام فلماذا؟ مع أننا نعلم جيداً الآية الشهيرة التي تقول “فَإِنَّ كَلِمَةَ الصَّلِيبِ عِنْدَ الْهَالِكِينَ جَهَالَةٌ، وَأَمَّا عِنْدَنَا نَحْنُ الْمُخَلَّصِينَ فَهِيَ قُوَّةُ اللهِ” (1كو1: 18)، فالصليب علامة قوة وليس ضعف كما أن علامة مجد أيضًا… وقعد بقى يجيب شروحات عن الصليب؟ ^[1]

الإجابة:

هو بعد ما تتناول لما ترشم الصليب ما فيهاش حاجة بعد ما تتناول لما ترشم الصليب ما فيهاش حاجة.

هو أثناء التناول جايز ترفع إيدك كده في رشم الصليب توقع الكاس من القسيس، فربما القسس عايزينكوا… ناس كتير قوي جوا ساعة المناولة يتلهوجوا افرض الكاس كده هو بيتناول، يقوم عامل كده يروح مطيره في السكة.

كمان إحنا بعد تحول الأسرار المقدسة ما بنرشمش الأسرار المقدسة بعلامة الصليب، إنما يقولك في الطقس تُرشم منها وبها يعني يرشم الجسد بالدم والدم بالجسد لكن الكاهن لا يمكن أبدًا يرشم الأسرار المقدسة، فربما بعض الآباء الكهنة فاكرين رشم الصليب مش على صدرك كأنها على الأسرار، طبعًا مش معقول واحد بيعمل كدا. فأنت بعد ما تتناول وتخلص وتمشي من المناولة ابقى صلي ارشم الصليب زي ما أنت عايز مفيهاش حاجة، هو بس يعني جايز في سوء فهم في الموضوع ده، هخليها في ذهني.

^{[1] سؤال أجاب عنه قداسة البابا شنوده في عظة بعنوان “الوداعة جـ2” بتاريخ 1 أبريل 1992م}