واحده بتقول أنا فتاه أبلغ من العمر ١٦ عامًا ومخطوبة لشخص وهو غلبان وفي واحد غني متقدم وأهلي بيضغطوا عليَّ؟

سؤال:

واحدة بتقول: أنا فتاة أبلغ من العمر ١٦ عامًا ومخطوبة لشخص بدبلة – كده بدري يا بنتي من ١٦ سنة – ومخطوبة لشخص بدبلة وهو إنسان غلبان، وإحنا ناس غلابة برضو، ويوجد شخص متقدم لي سوف يحضر شبكة قيّمة وأثاث كامل وأهلي يضغطون عليَّ، ولكني أحبّ هذا الشخص البَسيط الطيّب القلب؟ ^[1]

الإجابة:

الزواج مش هو الفلوس، ومش هو الشبكة، ومش هو الأثاث.

الزواج إنك أنتِ تعيشي حياة سعيدة مع إنسان يسعدك، فهل الإنسان اللي عنده الشبكة يسعدك ولا بس عنده الشبكة؟!

أما الزواج بالضغط فأنا ما أقبلوش، ومن ضمن أسباب بطلان الزواج الإرغام، لا بد يكون فيه قبول وقلب مستريح لقلب آخر. فأنتِ ما تتجوزيش غير الإنسان الذي يُسعدك في حياتك وتشعري حتى لو كنتِ معاه على حصيرة في البيت إنك سعيدة أحسن ما تكوني في أثاث وأنتِ دمعتك على خدك على هذا الأثاث الوفير.

اهتمي بسعادتك هي أهم حاجة… لكن تأخذي أثاث وزواج من غير أساس ما ينفعش.

^{[1] سؤال أجاب عنه قداسة البابا شنوده في عظة بعنوان ” الأفكار” بتاريخ 22 يوليو 1992م}