سؤال واحد بيقول كان مطلوب خدام ورهبان للقدس وتركنا وظائفنا وبعد نياحته الأنبا باسيليوس تغير الوضع فما هو مصيرنا؟

سؤال:

واحد بيقول: كان مطلوب خدّام ورُهبان للقدس وتركنا وظائفنا بعد مقابلة مع نيافة الأنبا باسيليوس وبعد نياحته تغير الوضع، فما هو مصيرنا؟ ^[1]

الإجابة:

أنتوا غلطانين ليه بقى؟ مش مفروض تترك وظيفتك غير لما تمسك تذكرة السفر اللي هتروح بيها. لكن تترك وظيفتك على وعد، مجرد وعد؟! وضع مش سليم.

يعني أول ما قال لك حاضر إحنا محتاجين نبقى نشغلك، تروح سايب وظيفتك ده كلام إيه يا ابني ده؟ ده أنت مفروض تأخذ إجازة سنة مثلاً وتروح تشوف إنك أنت هتستريح ولا لأ والجو يناسبك ولا ما يناسبكشي، فإن الجو ما ناسبكشي ترجع وظيفتك موجودة.

أو على الأقل تأخذ إجازة، إجازاتك اللي متحوشة لك إذا كان شهر ولا حاجة وتروح وبعدين تبعت جواب استقالتك.

لكن مجرد وعد تسيب وظيفتك؟! لأ دي طريقة ناس ما ينفعوش في القدس بصراحة. ما تتكلمش كده مظبوط تقول: تركنا وظائفنا وبعدين تقول لي: الكنيسة مسؤولة.

^{[1] سؤال أجاب عنه قداسة البابا شنوده في عظة بعنوان “ما هو الحق؟” بتاريخ 12 أغسطس 1992م}