سؤال واحد باعت لي جواب شديد اللهجة جدًا أوله لي عتاب شديد طلب تعميد ابنه يظهر ما ادولوش ميعاد؟

سؤال:

واحد باعت لي جواب شديد اللهجة جدًا أوله: لي عتاب شديد عند قداستكم.

أسلوبه شديد أوي أوي يعني، إنه طلب تعميد ابنه ويظهر ما أدولوش ميعاد أو أنا صحتي ما كانتش تساعد. وسمع إن في ناس هيتعمدوا في الدير. فتعبان جدًا وبيقول لي: ذنب ابني في رقبة قداستكم. وأين العدالة وهل يوجد أحزاب في الكنيسة؟ ^[1]

الجواب:

 ما تزعلشي وما فيش حاجة اسمها أحزاب ولا حاجة وإن شاء الله نشوف لك ميعاد الأسبوع المقبل ما تزعلشي.

شوف يا ابني عايز أقول لك حاجة: مفروض اللي بيعمد ابنه يكون إشبين لابنه، والإشبين بتاع الابن لازم يعلمه الحياة الروحية والحياة الإيمانية، فإذا كنت أنت بتتنرفز هذه النرفزة الشديدة حتى على البطرك يبقى هتعلم ابنك إيه؟

لازم تكون هادي في طبعك تكون هادي، وإلا كل ما نشوفك نقول: يا هادي، إن شاء الله نشوف لك ميعاد لعماد ابنك قبل ما نسافر، يكون ابنك متعمد إن شاء الله؛ بس أنت تهدأ كده.

^{[1] سؤال أجاب عنه قداسة البابا شنوده في عظة بعنوان “المحبة لا تسقط ابدًا” بتاريخ 29 يوليو 1992م}