سؤال واحدة بتقول أنا أصوم الجمعة والأربع وأتناول فهل يا سيدنا بعد التناول أفطر أم أكمل الصوم الانقطاعي؟

سؤال:

واحدة بتقول: أنا سيدة أصوم بنعمة ربنا يوم الجمعة والأربع، وأتناول جسد الرب ودمه، فهل يا سيدنا بعد التناول أفطر أم أكمل الصوم الانقطاعي؟ ^[1]

الإجابة:

أنتِ إذا كنتِ بتصومي الأربع والجمعة روحي كنيسة بيخرج فيها القداس متأخر، لكن مش تدوري على كنيسة بيعملوا قداس للموظفين ويخرجوا الساعة 8 وتقولي أفطر!

مفروض إن يكون في فترة انقطاع، فتروحي تتناولي في كنيسة بتعمل قداسات بعد الضهر، وفيه فرق بين الواحد احترامًا للتناول شرب ليه كوباية ميه كوباية شاي، وفرق بين الواحد يقول: خلاص ما دام خدت كوباية شاي أكمل، ويجيب بقى أكلة على أصولها، فأنتِ تصومي يعني تصومي ما تتحججيش بالمناولة وتروحي فاطرة، فاطرة يعني إيه شربتي كوباية ميه جرى إيه؟ كوباية شاي.

^{[1] سؤال أجاب عنه قداسة البابا شنوده في عظة بعنوان “تصالحوا مع الله” بتاريخ 28 أكتوبر 1992م}